Грамадства1111

Што сімвалізуюць падарункі, якія Ціханоўская перадала Зяленскаму і яго жонцы

Сярод падарункаў — вышыванка, каларытныя завушніцы і набор для стварэння традыцыйнага саламянага павука.

Фота тут і далей: Офіс Ціханоўскай

Святлана Ціханоўская перадала Уладзіміру Зяленскаму і яго жонцы Алене падарункі, звязаныя з беларускай і ўкраінскай традыцыяй.

Зяленскаму падарылі беларускую вышыванку, створаную майстрыцай Святланай Шырвель. Адна з вышыванак гэтай майстрыцы, напрыклад, знаходзіцца ў Леха Валенсы, легендарнага лідара польскай «Салідарнасці».

«Гэтая кашуля выкананая ў тэхніцы «процяг» — адной з найбольш аўтэнтычных беларускіх тэхнік вышыўкі. У адрозненне ад больш распаўсюджаных тэхнік, такіх як «крыжык», якія можна сустрэць у розных краінах, «процяг» лічыцца адметна беларускай культурнай рысай. Менавіта па гэтай тэхніцы традыцыйна «чытаецца» беларускае паходжанне вышыўкі», — расказаў болей дарадца Ціханоўскай Дзяніс Кучынскі.

Чырвоны арнамент на чорным колеры — таксама беларуская традыцыя.

«Цэнтральны элемент арнаменту кашулі — васьміканцовая зорка. Гэты сімвал мае гістарычныя карані як у беларускай, так і ва ўкраінскай культуры і традыцыйна звязваецца з сонцам, жыццём, святлом і выконвае ролю абярэга.

Таксама ў арнаменце прысутнічае каліна — адзін з ключавых украінскіх сімвалаў. У традыцыйнай украінскай культуры яна ўвасабляе род, пераемнасць пакаленняў, сямейны ачаг, сілу і любоў. Само слова «каліна» этымалагічна звязваецца з «колам» — сонцам, што дадаткова падкрэслівае ідэю жыцця і сувязі паміж пакаленнямі», — апісвае Кучынскі.

Другім падарункам для прэзідэнта Украіны стала рэч, зробленая рукамі дзяцей і выхавацеляў беларуска-ўкраінскай школы ў Варшаве, якая дзейнічае пры Цэнтры беларускай салідарнасці. У гэтай школе навучаюцца дзеці былых беларускіх палітвязняў, а таксама беларускія і ўкраінскія дзеці, чые сем’і былі вымушаныя пакінуць свае дамы праз рэпрэсіі і вайну.

Першай лэдзі Украіны перадалі завушніцы з вобразам саламянага «павука» — традыцыйнага абярэга. Павук у народнай традыцыі лічыцца сімвалам гармоніі, аховы дому і дабрабыту. Завушніцы выкананыя з латуні з залатым пакрыццём.

Іх аўтарка — беларуская дызайнерка Наста Васючэнка, заснавальніца брэнду Kanva.

Таксама сям’і Зяленскіх падарылі сямейны набор для стварэння саламяных «павукоў». «Ідэя гэтага падарунка ў тым, каб муж і жонка маглі разам стварыць хатні абярэг як знак умацавання сям’і, дому і ўзаемнай падтрымкі», — расказвае дарадца Ціханоўскай.

Падарылі таксама кнігу Сашы Філіпенкі «Слон». Сам пісьменнік быў у складзе дэлегацыі, якая з Ціханоўскай прыехала ва Украіну.

Кучынскі дадае, што падарункі ад беларускай дэлегацыі сімвалізуюць агульнасць гістарычнага досведу беларусаў і ўкраінцаў, павагу да традыцыі, а таксама салідарнасць паміж народамі.

Каментары11

  • Тру
    26.05.2026
    (Тільки нікому ні кажіть що ва Україне теж плетуть пауків)
  • Равлік
    26.05.2026
    Перакладную кніжку “тоже белоруса” пра расею — геніяльна.
    Дзіўна, што не златкоўскую і не рагатку.
  • Каверда
    26.05.2026
    Тру, ў гэтым і сэнс, як і ў вышыванцы

Цяпер чытаюць

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Усе навіны →
Усе навіны

«Дзякуй жанчынам, якія дачакаліся». Tor Band паказалі сваю першую рэпетыцыю3

55‑гадовага прадпрымальніка асудзілі за палітыку: ён штодня спрачаўся з ватнікамі ў Z‑чатах10

У тэатры імя Горкага працягваецца капітальны рамонт. Як зменіцца будынак ФОТА1

Іншую скульптуру аўтара скандальнай «Быхаўскай мадонны» чыноўнікі афіцыйна набылі за $15 тысяч толькі праз месяц пасля адкрыцця7

Масад папярэдзіў ЗША аб планах Ірана забіць Трампа дронамі5

SpaceX упершыню ў гісторыі злавіла верхні блок Starship ВІДЭА5

Ці хапае трох дзён бальнічнага, каб не заразіць калег?1

Больш танныя балістычныя ракеты радыкальна мяняюць правілы вайны1

Пажар тушаць гукам. Як гэта магчыма?

больш чытаных навін
больш лайканых навін

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Галоўнае
Усе навіны →

Заўвага:

 

 

 

 

Закрыць Паведаміць