Партыя ня можа згадзіцца з «сыстэмай эканамічных рэформаў», якія прывядуць да нэалібэральнай «шэрай прыватызацыі і шокавай тэрапіі».
Беларуская партыя "Зялёныя" (БПЗ) часова прыпыніла свой удзел у выбарчай кампаніі ў рамках кааліцыі Аб'яднаных дэмакратычных сіл. Пра гэта БелаПАН паведаміў намеснік старшыні БПЗ, былы дэпутат Гомельскага гарсавета Юрый Глушакоў.
Паводле яго слоў, 15 верасня адбылося пасяджэнне Цэнтральнага савета партыі. БПЗ, "зыходзячы з таго, што выбарчая сістэма Рэспублікі Беларусь практычна не змянілася ў бок дэмакратызацыі", а таксама ў сілу таго, што партыя застаецца "паслядоўным і прынцыповым прыхільнікам сацыяльнай справядлівасці", не можа згадзіцца з шэрагам вылучаных кааліцыяй перадвыбарных патрабаванняў, у прыватнасці, з "сістэмай эканамічных рэформаў", якія прывядуць да неаліберальнай "шэрай" прыватызацыі і шокавай тэрапіі", — гаворыцца ў дакументах БПЗ.
У сувязі з гэтым Цэнтральны савет партыі заявіў аб часовым, "да ўзгаднення пазіцый, выхадзе БПЗ з перадвыбарнай кааліцыі", паведаміў намеснік старшыні БПЗ Ю.Глушакоў.
Нагадаем, што выбары ў Палату прадстаўнікоў павінны прайсці ў 2008 годзе.
Цяпер чытаюць
Радзільныя дамы спаборнічаюць, у каго 3 ліпеня народзіцца больш дзяцей5
Каментары