Дзяржстандарт Беларусі не выявіў парушэнняў у кандытарскіх вырабах Roshen па паказчыках бяспекі.
Пра гэта паведамілі ў час анлайн-канферэнцыі, якая адбылася сёння на сайце Дзяржстандарта.
Інспекцыі Дзяржстандарта ў ліпені-жніўні 2013 правялі маніторынгі і праверкі выканання патрабаванняў заканадаўства і тэхнічных нарматыўных прававых актаў пры рэалізацыі 295 найменняў кандытарскіх вырабаў, вырабленых на фабрыках кандытарскай карпарацыі Roshen. «У выніку выпрабаванняў, праведзеных у акрэдытаваных лабараторыях, па паказчыках бяспекі (наяўнасць таксічных элементаў, пестыцыдаў, мікатаксінаў, утрыманне свінцу, кадмію, ртуці, мыш'яку; мікрабіялагічныя паказчыкі), парушэнняў не было выяўлена», - адзначылі ў камітэце.
Разам з тым у сферы абарачэння прадукцыі былі выяўленыя выпадкі рэалізацыі кандытарскіх вырабаў з прамінулымі тэрмінамі прыдатнасці. Былі выпадкі адсутнасці дакументаў аб пацверджанні адпаведнасці і пасведчанняў якасці, а таксама парушэнні па маркіроўцы прадукцыі. У цяперашні час Дзяржстандарт праводзіць маніторынгі і праверкі пры рэалізацыі ўсёй кандытарскай прадукцыі ў Беларусі, падкрэслілі спецыялісты.
Вялікая гутарка з Лесяй Руднік пра сэксізм, мужа-рэслера, заробак доктаркі навук у Швецыі, апазіцыю і памылку Еўрасаюза19
Каментары