Ён сёння наведаў Жодзіна.
На «БелАЗе» ён праехаў на новым кар'ерным самазвале, азнаёміўся з працай прадпрыемства, паўдзельнічаў у адкрыцці новы цэху. Таксама Аляксандр Лукашэнка выказаўся на актуальныя пытанні, якія цікавяць многіх беларусаў. Ён гаварыў пра цэны, заробкі беларусаў ды пра чаканні дэвальвацыі. Таксама Лукашэнка ў чарговы раз выказаўся пра паездкі беларусаў за мяжу.
«Прэзідэнт сказаў, а мы ж едзем апранацца ў імпартную вопратку, таму што наша па якасці горшая. — цытуе словы Аляксандра Лукашэнкі БЕЛТА. — Ды не пра гэта гаворка. Памежнікі дакладваюць, што некаторыя дзеячы па 700 разоў ездзяць туды [за мяжу] і назад.
Што яны там робяць? Скупляюць валюту, якую мы зарабляем, вывозяць туды і прывозяць шмоткі. Так, Еўрасаюз вам падкіне гэта танней, усё гэтае смецце будзе за 3 мільярды долараў скідваць».
Па словах кіраўніка дзяржавы, на гэтыя пытанні трэба глядзець шырэй. «Для мяне галоўнае, калі ў чалавека вочы свецяцца, ён задаволены, яму добра жывецца. Нічога мне не трэба, абы толькі было вам добра», — сказаў Аляксандр Лукашэнка.
Цяпер чытаюць
Пальчыс, Андрэева, Лойка і іншыя імёны — пасля візіту амерыканскіх дыпламатаў у Мінск вызвалілі 250 палітвязняў11
Каментары