У 2024 годзе запазычанасць Беларусі перад кітайскімі крэдыторамі склала 2,76 мільярда даляраў. У сусветным рэйтынгу краін з найбольшымі завінавачанасцямі перад Кітаем Беларусь заняла 20‑е месца сярод 35‑ці дзяржаў, піша Thinktanks.pro.
Рэйтынг апублікавала Visual Capitalist на аснове даных Сусветнага банка. Беларусь апынулася паміж Рэспублікай Конга, якая завінавацілася Кітаю 2,97 мільярда даляраў, і Эквадорам з запазычанасцю 2,71 мільярда даляраў.
Ніводная з суседніх з Беларуссю краін у рэйтынг не трапіла. Акрамя Беларусі, сярод еўрапейскіх дзяржаў у спісе прысутнічае толькі Сербія, якая заняла 18‑е месца з доўгам 3,21 мільярда даляраў.
Першае месца ў рэйтынгу заняў Пакістан з запазычанасцю 22,38 мільярда даляраў. На другім месцы знаходзіцца Ангола — 14,4 мільярда, на трэцім — Шры-Ланка з 8,69 мільярда.
У першую дзясятку найбуйнейшых даўжнікоў Кітая таксама ўвайшлі Эфіопія з запазычанасцю 7,44 мільярда даляраў, Бангладэш — 6,63 мільярда, Егіпет — 5,91 мільярда, Кенія — 5,37 мільярда, Замбія — 5,33 мільярда, Нігерыя — 5,32 мільярда і Лаос — 5,31 мільярда.
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары