27 кастрычніка Нацыянальная авіякампанія «Белавія» пераходзіць на зімовы расклад, які будзе дзейнічаць да 29 сакавіка 2014 года.
Як паведамляе прэс-служба «Белавія», 17 снежня авіякампанія пачне выконваць палёты з Мінска ў Жэневу (Швейцарыя) на самалётах Embraer 175, CRJ-100/200, Boeing 737-500 тры разы на тыдзень: па аўторках, пятніцах і нядзелях. Кошт пералёту ў эканамічным класе абслугоўвання складае ад 275 еўра «туды-назад», у бізнес-класе ад 975 еўра «туды-назад» (аэрапартовыя таксы і зборы ўключаны).
У новым сезоне «Белавія» ў параўнанні з зімовым сезонам 2012/2013 гадоў павялічыць частату выканання рэйсаў з Мінска ў Астану, Ерэван, Калінінград, Кіеў, Маскву, Прагу, Рыгу, Стамбул, Тбілісі і Франкфурт.
Акрамя таго, «Белавіяа» прыняла рашэнне на перыяд навагодніх свят значна павялічыць частату выканання палётаў па найболей запатрабаваных у турыстаў маршрутах і замяніць паветраныя судны на больш ёмістыя. Так, у Парыж і Барселону будзе выканана па восем дадатковых рэйсаў, а ў Маскву, Прагу, Жэневу, Тбілісі, Баку, Ерэван, Рым, Мілан у навагодні перыяд будуць задзейнічаны паветраныя судны большай ёмістасці.
«Мы чакаем, што надыходзячы зімовы сезон стане паспяховым працягам летняга. Нагадаю, што сёлета мы ўжо адкрылі чатыры новыя напрамкі (Самара, Кутаісі, Будапешт, Бялград), куды працягнем лётаць і зімой, павялічылі частату выканання рэйсаў па ўжо існых маршрутах, што спрыяла значнаму павелічэнню пасажырапатоку. Адным з новаўвядзенняў надыходзячага зімовага сезона стане выкананне палётаў у Сочы на круглагадовай аснове два разы на тыдзень, а ў лютым напярэдадні і падчас правядзення зімовых Алімпійскіх гульняў павялічым лік палётаў да трох разоў на тыдзень», - сказаў гендырэктар «Белавія» Анатоль Гусараў.
Акрамя рэгулярных рэйсаў, працягнецца выкананне чартарных праграм у Егіпет (Хургада, Шарм-аль-Шэйх).
Цяпер чытаюць
«Я супрацоўнік КДБ, у вас будуць праблемы». Мінчанка хацела напісаць скаргу ў оптыцы, але супрацоўніца паказала корачку19
Каментары