Максімальныя рознічныя цэны на асобныя віды цыгарэт з фільтрам павялічацца на 1—30 %.
Такая інфармацыя размешчана на сайце Міністэрства па падатках і зборах, паведамляе БЕЛТА.
Цыгарэты, што вырабляюцца ў Беларусі (ААТ «Гродзенская тытунёвая фабрыка «Нёман», ТАА «Тытунь- інвест»), падаражэюць на 1—7 %. Падаражэнне закране такія вядомыя маркі цыгарэт, як Alliance, Pall Mall, Lucky Strike, Kent, Vogue, Winston, Monte Carlo, Glamour, West, Camel, Viceroy, Capri, Карона, Форт.
Максімальныя рознічныя цэны на імпартаваныя ў Беларусь цыгарэты вырастуць на 4—30%. У прыватнасці, падаражэюць цыгарэты марак Sobranie, Camel, R1, Davidoff.
Акрамя таго, на лістапад ўсталяваныя цэны на цыгарэты, якія раней у Беларусі не прадаваліся. У прыватнасці, устаноўленая цана цыгарэт Camel Filters Limited Edition, Camel Blue Limited Edition — на ўзроўні Br23 тыс., LD Club Extra Lounge — Br10,5 тыс.
Беларускія вытворцы і імпарцёры цыгарэт маюць права штомесяц дэклараваць максімальныя рознічныя цэны на цыгарэты. Папярэдні раз цыгарэты даражэлі ў пачатку кастрычніка — на 3,7—4,8 %.
Цяпер чытаюць
У базе сілавікоў «БЕСпарадкі» больш за 100 тысяч чалавек15
У базе сілавікоў «БЕСпарадкі» больш за 100 тысяч чалавек
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары