У Мінадукацыі заявілі пра рэкордны набор на педагагічныя спецыяльнасці
У 2025 годзе ў беларускія ВНУ на бюджэтную форму навучання залічылі 99,5% ад запланаванай колькасці студэнтаў. Пра гэта паведаміў міністр адукацыі Андрэй Іванец падчас візіту ў сталічныя каледжы.
Асаблівую ўвагу Іванец звярнуў на рэкордна высокі набор на педагагічныя спецыяльнасці — у гэтым годзе на бюджэт залічылі 3,9 тысячы будучых настаўнікаў. Міністр падкрэсліў, што педагогаў, маўляў, з нецярпеннем чакаюць у школах.
Таксама адзначаная высокая эфектыўнасць набору на аграрныя спецыяльнасці — з 2,9 тысячы выдзеленых месцаў для будучых спецыялістаў аграпрамысловага комплексу засталося вакантнымі менш за 50. Паводле Іванца, гэта таксама найлепшы вынік за апошнія гады.
Міністр таксама паведаміў, што кожны чацвёрты з тых, хто паступіў у ВНУ, будзе вучыцца на інжынера, а кожны дзясяты — стане педагогам, медыкам або спецыялістам АПК.
У выніку, па словах Іванца, структура прыёму адпавядае як патрэбам і пажаданням абітурыентаў, так і патрэбам беларускай эканомікі.
Цяпер чытаюць
Беларускага Сінюю Бараду адпусцілі з расійскай турмы паміраць дома5
Беларускага Сінюю Бараду адпусцілі з расійскай турмы паміраць дома
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу1313
Каментары