Мінчук папрасіў барысту абмяняць 250 рублёў — і пайшоў з прыбыткам. Фокус трапіў на відэа
Супрацоўніца мінскай кавярні пералічвала выручку, знайшла недахоп і звярнулася ў міліцыю. Аказалася, наведвальнік звёў 110 рублёў хітрым спосабам, піша Onliner.by.
Выяснілася, што 48-гадовы мінчук зайшоў у кавярню і папрасіў барысту абмяняць дробныя купюры на буйныя. З сабой у мужчыны было 250 рублёў пяцірублёвымі банкнотамі.
Дзяўчына пералічыла і сказала, што не хапае 10 рублёў. Тады наведвальнік зноў узяў стос купюр, пачаў пералічваць сам і незаўважна схаваў частку купюр у кішэню. З другой кішэні ён дастаў 10 рублёў і аддаў дзяўчыне.
Прадавец была ўпэўненая, што мужчына цяпер перадаў ёй 250 рублёў, і не пералічвала іх, а аддала яму гэтую суму буйнымі купюрамі. Такім спосабам мужчына атрымаў 110 рублёў.
Затрыманы прызнаўся, што спецыяльна адцягваў увагу дзяўчыны размовай. Цяпер правяраецца ягоная датычнасць да аналагічных выпадкаў.
Заведзена крымінальная справа па факце махлярства. Раней фігурант ужо прыцягваўся да адказнасці за махлярскія дзеянні.
Цяпер чытаюць
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім6
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім
Бабарыка і Калеснікава пагаварылі з Інгай Ругінене і заклікалі Літву «далучыцца да дыпламатычных намаганняў ЗША» і «не прапусціць акно магчымасцей»3131
Каментары
[Зрэдагавана]