Кіраўніцтва «Анжы» патрабуе пакараць заўзятараў, якія спалілі сцяг Дагестана падчас матчу махачкалінскай каманды з «Кубанню» ў Краснадары 28 кастрычніка.
Адпаведная заява разам з фатаграфіяй інцыдэнту была апублікавана ўвечары 29 кастрычніка ў афіцыйным твітэры «Анжы».
Прэс-аташэ «Кубані» Вячаслаў Іваноў, у сваю чаргу, выказаў упэўненасць, што заўзятары «Кубані» не маглі здзейсніць такі ўчынак і выказаў меркаванне, што мела месца нейкая правакацыя. Разам з тым ён заявіў, што ў выпадку пацверджання інфармацыі краснадарскі клуб «зробіць усё магчымае, каб прыцягнуць парушальнікаў да адказнасці».
Матч «Кубань» — «Анжы» адбыўся ў Краснадары 28 кастрычніка і завяршыўся з лікам 2:0. Гэта быў трэці матч «Кубані» пад кіраўніцтвам беларускага спецыяліста, былога галоўнага трэнера БАТЭ Віктара Ганчарэнкі.
