Губернатар Растоўскай вобласці Юрый Слюсар паведаміў, што падчас адбіцця атакі на вобласць над Таганрогам была знішчана ракета — яе абломкі ўпалі на адну з вуліц, некалькі аўтамабіляў загарэліся.
Пазней губернатар паведаміў, што ў выніку ракетнай атакі пацярпелі дзве жанчыны — абедзвюх шпіталізавалі, адна з іх знаходзіцца ў цяжкім стане.
Іншых падрабязнасцяў Слюсар не прыводзіць.
У Таганрогу гарыць тэрыторыя Авіяцыйнага рамонтнага завода — ці пашкоджаны сам завод, пакуль невядома. Раней яго ўжо атакавалі напрыканцы 2024 года.
У той жа час губернатар Севастопаля Міхаіл Разважаеў паведаміў, што УСУ атакавалі горад «рознымі паветранымі сродкамі, папярэдне, і ракетамі Storm Shadow». Папярэдне, ніхто з людзей не пацярпеў.
Паводле слоў губернатара, ракета трапіла ў будынак Паўднёвага ўпраўлення Цэнтральнага банка, у выніку чаго ўзнік пажар — у суседніх дамах выбіла вокны.
На іншай вуліцы, папярэдне, ракета трапіла ў адміністрацыйны будынак, які, паводле Разважаева, даўно не выкарыстоўваўся, паведамляе «Дождь».
Цяпер чытаюць
19‑гадовы курсант Акадэміі МУС набіў сабе на лбе мішэнь і паехаў штурмаваць Запарожжа. Ідэя спрацавала22
Каментары