У Гомелі затрымліваюць за расклейванне антыалкагольных улётак
16 лістапада прыкладна а 21.40 на тэрыторыі Савецкага раёна Гомеля міліцыянты затрымалі сустаршыню міжнароднай грамадскай арганізацыі «Малады фронт» (Чэхія) Андрэя Цянюту і яго таварыша Станіслава Булу. Яны расклейвалі ўлёткі антыалкагольнай тэматыкі.
Як паведаміў БелаПАН Цянюта, у РАУС яны прабылі прыблізна паўтары гадзіны. «У мяне спрабавалі ўзяць тлумачэнні, але я адмаўляўся, бо маю такое права згодна з законам. У Станіслава Булы міліцыя ўзяла тлумачэнні. Ён пацвердзіў, што мы расклейвалі на момант затрымання антыалкагольныя ўлёткі, але рабілі гэта на інфармацыйных стэндах — гэта значыць у дазволеным месцы», — адзначыў сустаршыня «Маладога фронту».
Паводле яго слоў, ва ўлётках утрымлівалася інфармацыя з заклікам да ўладаў не прадаваць спіртное ў непасрэднай блізкасці ад навучальных устаноў.
Цяпер чытаюць
Памятаеце былога памежніка, які стаў дальнабойшчыкам і ў Германіі прызнаваўся ў любові да Лукашэнкі? З ім бяда22
Каментары