«Леглі спаць ва Украіне, а прачнуліся ў Беларусі», — піша ўкраінская gazeta.ua.
Пасля брутальных падзеяў у Кіеве ў ноч на 30 лістапада ўкраінскія журналісты пішуць пра беларускі сцэнар. Параўнанне справядлівае і найперш у дачыненні да падзей у Мінску ў ноч на 24 сакавіка 2006 года.
Перад пачаткам міліцэйскай акцыі на Кастрычніцкай актывізаваліся правакатары. Яны не баяліся ні міліцыі, ні фотакамер журналістаў.
У Кіеве 29 лістапада 2013 года непадалёку ад акцыі ў падтрымку еўраінтэграцыі сабралася больш за тысячу маладых людзей спартыўнага целаскладу. Пры спробе высветліць іх прыналежнасць і матывы акцыі, некалькі малойцаў збілі групу рэпарцёраў. Ужо тады ўкраінскія журналісты пачалі казаць пра магчымую падрыхтоўку да правакацый і разону майдану.
Намётавае мястэчка ў Мінску ў 2006-м, як і Майдан у Кіеве ўзору 2013-га ліквідавалі пад раніцу.
Раскіданыя па бруку рэчы, згамтаныя намёты — сакавіцкія кадры з Плошчы-2006 і фотаздымкі з Кіева-2013 можна ставіць побач.
Істотная розніца паміж падзеямі ў стаўленні да затрыманых. Калі ў Кіеве тры дзясяткі ўдзельнікаў вызвалілі да суду, то затрыманых на Кастрычніцкай да раніцы трымалі пад сценамі турмы, а потым судзілі проста ў СІЗА. Лік асуджаных ішоў на сотні.
Разгон Плошчы-2006
«Беркут» разганяе Майдан-2013
Бліжэйшым часам будуць вызвалены больш за 150 палітзняволеных39
Каментары