У Драгічынскім раёне ў меліярацыйным канале знойдзена цела 46-гадовага мужчыны
Як паведаміў БелаПАН намеснік начальніка Драгічынскага раённага аддзела Следчага камітэта Дан Пазняк, 1 снежня каля 10 раніцы мёртвага мужчыну без бачных прыкметаў насільнай смерці ў меліярацыйным канале побач з вёскай Вулька Сіманавіцкая ўбачыў мясцовы жыхар.
Загінулы пражываў у вёсцы Вулька Сіманавіцкая, працаваў даглядчыкам жывёлы ў мясцовым сельгаспрадпрыемстве.
На гэты час устаноўлена, што 1 снежня каля шасці раніцы мужчына пайшоў на працу на ферму, аднак не дайшоў.
Глыбіня канала ў тым месцы, дзе знойдзена цела вяскоўца, каля 0,7 метра.
Прычыну смерці мужчыны ўстанаўлівае судова-медыцынская экспертыза.
Праверку па факце яго гібелі праводзіць Драгічынскі раённы аддзел СК.
Каментары