Пенсіянер-заяц напаў на кантралёраў, забраў пасведчанне і кінуўся наўцёкі
Выпадак здарыўся вечарам 22 лістапада ў Баранавічах у аўтобусе №1. 60-гадовы мужчына адмовіўся паказаць дакументы на праезд двум кантралёрам-рэвізорам.
Калі жанчыны заявілі, што аштрафуюць яго, пасажыр пачаў скандаліць і зневажаць іх, у адной выхапіў службовае пасведчанне.
Пасля таго як да месца інцыдэнту былі выкліканы супрацоўнікі міліцыі, пенсіянер выбег з аўтобуса, адціснуўшы дзверы. Пры гэтым ён адштурхнуў жанчын-рэвізораў, выкручваў ім пальцы. На вуліцы яго затрымалі супрацоўнікі гарадскога аддзела ўнутраных спраў.
Мера стрымання ў дачыненні да падазраванага не абіралася.
Санкцыя ч. 1 арт. 366 КК прадугледжвае пакаранне ў выглядзе пазбаўлення волі тэрмінам да пяці гадоў.
Каментары