Альбом беларускага шансона выйшаў. Супольная праца Вайцюшкевіча, Генадзя Бураўкіна і (на адну песню) Уладзіміра Някляева — зборнік часам турэмных, часам гумарыстычных, а часам проста кранальных песняў.
«Гэта песні пра чалавека за сорак, які разумее, што няправільна пражыў жыццё, — кажа Вайцюшкевіч. — Калі ў інтэрнэце з’явіліся першыя песні з «Варанка», мне патэлефанавалі кабацкія музыкі з Магілёва, якія пыталіся, ці можна ім спяваць гэтыя песні».
Аднак шансон ад Вайцюшкевіча і Бураўкіна надта інтэлігентны.
Гэта музыка, якая можа гучаць і ў магілёўскім кабаку, і ў ДК на класічным канцэрце Вайцюшкевіча. Моцныя моманты — «Дачакайся, матуля», гумарыстычная «Рызыканты» і яшчэ некалькі песняў маглі б трапіць у ратацыю на «Радыё Шансон».
Але купляючы «Варанок», не разлічвайце пачуць на ім беларускі аналаг «Муркі» ці «Раз у Растове-на-Доне», гэтага там не будзе. Сярод моцных момантаў альбома – удзел духавой секцыі Apple Tea і найлепшага джазавага піяніста краіны Аляксея Гарачага, які пераўтварыў песню «Бадзягі» ледзь не ў новаарлеанскі пахавальны марш.
Жывая прэзентацыя «Варанка» адбудзецца 12 снежня на «Арт-Сядзібе».
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?9
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары