У Беларусі арыштавалі махлярку, якая ашукала расійскіх блогераў-мільённікаў на сотні тысяч даляраў
Расіянка Хатуна Аташан, якая развяла папулярных блогераў на велізарную суму, спрабавала ўцячы праз Беларусь, але яе затрымалі і вярнулі ў Расію.
Як пішуць расійскія паблікі, Аташан знаходзіла вядомых інфлюэнсераў і прадстаўлялася VIP-партнёрам найбуйнейшых сусветных гасцінічных сетак. Яна прапаноўвала казачныя ўмовы: адпачынак на Мальдывах і ў топавых пяцізоркавых гатэлях па бартары ў абмен на рэкламу ў сацсетках. Блогерам трэба было толькі даплаціць за пералёты сваіх блізкіх, прычым кошты былі ў разы ніжэйшыя за рынкавыя.
Пасля пераводу грошай Аташан знікала, а за дзень да вылету паведамляла, што паездка скасоўваецца.
Калі ашуканыя блогеры пачалі масава звяртацца ў паліцыю, дзяўчына паспрабавала ўцячы праз Беларусь. Падрабязнасці невядомыя, паведамляецца толькі, што яе перадалі расійскаму боку.
Агульная сума шкоды ад дзеянняў махінатаркі ацэньваецца больш чым на 50 мільёнаў расійскіх рублёў, або каля 700 тысяч даляраў.
Цяпер чытаюць
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай8
Каментары
Расейскі забойца хаваўся ў Беларусі і памёр.
Трэба адгарадзіцца ад старэйшага брата ірвом з кракадзіламі!!!