У Варшаве затрымалі ўкраінца, які злавіў легендарнага сома, які 20 гадоў плаваў у гэтым возеры
«Паклаў яго ў багажнік і паехаў».
Паліцыя Варшавы затрымала 57‑гадовага грамадзяніна Украіны, які незаконна вылавіў гіганцкага сома даўжынёй больш за 182 сантыметры з возера Балатон, што знаходзіцца ў сталічным раёне Гоцлаў. Справа набыла шырокі розгалас у сацсетках і медыя.
Здарэнне адбылося 30 мая. Двое мужчын плавалі па возеры на водным веласіпедзе. Адзін з іх меў вуду, з дапамогай якой і вылавіў рыбіну. Пасля гэтага мужчыны валаклі сома па тратуары і запіхалі ў багажнік аўтамабіля, пасля чаго з’ехалі ў невядомым кірунку.
Вылаўленая рыба была вельмі добра знаёмая мясцовым жыхарам — сом плаваў тут 20 гадоў. Тутэйшыя рыбакі не раз вылоўлівалі гэтага гіганта, аднак з-за яго легендарнага статусу заўсёды адпускалі назад у ваду.
Ukraińcy zabili legendarnego Warszawskiego suma na Gocławiu. Miał 183 cm i pływał w tej wodzie "od dekad".
Został żywcem wrzucony do bagażnika, więc mógł konać nawet kilka godzin. Do tego był okres ochronny, więc ryba została zabrana bezprawnie.
Źródło: Tim_pleciona pic.twitter.com/CQtIqoFL7z
Дзеянні мужчын выклікалі абурэнне і пратэсты відавочцаў. Аднак тыя нібыта праігнаравалі гэта, паклалі сома ў багажнік машыны і з'ехалі ў невядомым кірунку.
Паліцыя знайшла чалавека, які злавіў сома. Ім аказаўся 57‑гадовы грамадзянін Украіны.
«Можна меркаваць, што чалавек злавіў гэтую рыбу ў час забароненага сезону, калі сом знаходзіўся пад аховай і яго лоўля была забаронена, а таксама можна падазраваць, што мы будзем мець справу з жорсткім абыходжаннем з жывёламі з-за таго, што рыба перавозілася без доступу да вады», — пракаментавалі ў варшаўскай паліцыі.
-
«Сядзець на вяршыні гары ў Швейцарыі і піць да страты пульсу». Рутэ расказаў пра іх з Зяленскім планы на пасля вайны
-
Сярод забітых у Кракаве — двое замежнікаў. Грамадзянства адной ахвяры пакуль не называюць
-
Вэнс пачаў дыстанцыявацца ад Трампа пасля паразы рэспубліканцаў на выбарах і прасоўвае ўласны брэнд з прыцэлам на 2028 год
Цяпер чытаюць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку43
Каментары
[Зрэдагавана]