Новы міністр замежных спраў Германіі Франк Вальтэр Штайнмаер выказаў абурэнне ціскам Расеі на Украіну для недапушчэння падпісання Пагаднення аб асацыяцыі з Еўрапейскім Саюзам.
Пра гэта гаворыцца ў паведамленні, размешчаным на афіцыйным сайце Міністэрства замежных спраў Польшчы. «Выклікае абурэнне тое, як расейская палітыка выкарыстала эканамічны крызіс ва Украіне, каб не дапусціць падпісання Пагаднення аб асацыяцыі з ЕС», — сказаў нямецкі міністр.
Ён таксама паведаміў, што ў бліжэйшы чацвер, 19 снежня, наведае з візітам Польшчу для перамоваў па Украіне. «Яшчэ ў чацвер паеду ў Польшчу, каб разам з нашымі польскімі калегамі, якія ведаюць пра Украіну больш, чым многія іншыя еўрапейцы, падумаць аб тым, што можам зрабіць, каб перамагчы палітычную блакаду ў Кіеве», — сказаў Штайнмаер.
Паводле яго слоў, ён вырашыў так хутка прыехаць у Польшчу з-за апублікаванага нядаўна ў нямецкай Frankfurter Allgemeine Zeitung інтэрв'ю з кіраўніком польскай дзяржавы Браніславам Камароўскім, у якім ён паставіў еўрапейцам некалькі пытанняў па Украіне. Так, ён лічыць, што «Еўрасаюз недаацаніў» слабасць і раз'яднанасць Украіны і патрабаваў ад Кіева «занадта шмат», ставячы перад выбарам «Усход ці Захад».
Як паведамляў УНІАН, учора Расія пагадзілася панізіць цану на газ для Украіны больш, чым на траціну і выкупіць украінскія аблігацыі на суму 15 млрд даляраў. У канцы лістапада прэзідэнт Украіны Віктар Януковіч адмовіўся падпісаць Пагадненне аб асацыяцыі з Еўрапейскім Саюзам, патлумачыўшы гэта недастатковай фінансавай дапамогі з боку еўрапейцаў ва ўмовах прагназаваных кожны раз вялікіх эканамічных цяжкасцях з-за падпісання гэтага дакумента.
Цяпер чытаюць
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі1313
Каментары