Майдан і Плошча — чаму яны такія розныя?
Сёння, 19 снежня, чарговая гадавіна «Плошчы-2010» — жорсткага разгону масавай акцыі апазіцыі. У нашых украінскіх суседзяў усё інакш — Майдан трымаецца некалькі тыдняў. Карэспандэнты БелаПАН спыталі ў мінчан, чаму, на іх думку, гэтыя дзве плошчы такія розныя?
«Урад ва Украіне больш талерантны да народа, чым у Беларусі. Не факт, што ў Майдане ёсць сэнс, калі ўрад не пойдзе на саступкі народу. Тады гэта ўсё марна. У нас палітыка была іншай — спыніць беспарадкі, завадатарамі якіх сталі правакатары».
«Ва Украіне крыху іншы народ. Яны выступаюць народ за народ, а ў нас людзі — кожны сам па сабе».
«У нас людзі менш агрэсіўныя, чым ва Украіне. Акрамя таго, у іх прэзідэнт ужо мяняўся некалькі разоў, яны прывыклі да падобнага».
«З намі ўсё так, мы вартыя таго, што маем. Для кагосьці бунт бессэнсоўны і крывавы, а для кагосьці — салодкае пячэнне».
«Справа ў менталітэтах. Гістарычна склалася так, што ва Украіне зусім іншая, чым у нас, спадчына — людзі, прывучаныя да ваенных дзеянняў».
«Таму што яны — не мы, яны малайцы і могуць за сябе пастаяць, а Беларусь застыла ў сваім развіцці 20 гадоў таму».
«Калі людзі разам, яны штосьці могуць. І супраць людзей той жа АМАП нічога не зробіць».
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1313
Каментары