Іна Кулей: Праграма Каліноўскага ператвараецца ва ўніверсітэт
Па словах кіраўніцы беларускага камітэта абароны рэпрэсаваных «Салідарнасць» Іны Кулей, польскі ўрад па-ранейшаму выказвае жаданне матэрыяльна падтрымліваць людзей, што пацярпелі ў Беларусі ад рэпрэсій і не маюць магчымасці працягваць навучанне:
- Праграма Каліноўскага пашырае свае магчымасці, і мы цяпер ужо называем яе - Універсітэт Кастуся Каліноўскага. Таму што там ёсць падрыхтоўчы курс для няпоўнагадовых дзяцей, гэта значыць, што нашыя дзеці могуць паступаць не адразу на першы курс, а тыя, хто не мае 18 гадоў, яшчэ гадавы курс польскай мовы змогуць праходзіць. Яшчэ ёсць бакалаўрыят, у якім могуць навучацца выключаныя беларускія студэнты або дзеці з рэпрэсаваных сем’яў. Ёсць магістратура, акрамя гэтага існуе аспірантура. І з гэтага года - доктар хабілітаваны.
Праграма імя Кастуся Каліноўскага ўзнікла пасля масавых выключэнняў моладзі з беларускіх універсітэтаў у 2006 годзе. З таго часу польскі ўрад задарма залічвае рэпрэсаваных студэнтаў у свае ўніверсітэты, а таксама выплочвае ім стыпендыю.
Цяпер чытаюць
Школу для дзяцей з псіхічнымі асаблівасцямі ў Мінску пераробяць у кадэцкае вучылішча. Да рэалізацыі ішлі 18 гадоў12
Каментары