Кіруючы склад турмы № 1 у колькасці трох чалавек вызвалены ад займаных пасад у сувязі з выхадам на пенсію, - сёння паведамілі ў Дэпартаменце выканання пакаранняў МУС.
Інфармацыйнай службе партала tut.by паведамілі, што замест палкоўніка Аляксанда Аліева, які займаў пасаду кіраўніка турмы, прызначэнне атрымаў Уладзімір Шаблінскі. У ДВП адмовіліся каментаваць кадравую перастаноўку.
Свае меркаванні на гэты конт выказаў Зміцер Дашкевіч, лідар зарэгістраванага ў Чэхіі «Маладога Фронту», які ўлетку адбываў арышт як раз у згаданай турме.
- Насамрэч умовы ў Гродна для мяне былі далёка не самыя горшыя, калі канешне самі ўмовы ў беларускіх турмах можна ацаніць як «ня горшы» ці «ня лепшы». Як мінімум не адбывалася рознага кшталту правакацый і ўзмоцненага ціску.
Такі масавы сыход на пенсію, я магу патлумачыць пэўна чарговымі разборкамі за сферы ўплыву ўнутры самога Дэпартамента выканання пакаранняў і ўнутраных ворганах. Хутчэй за ўсё праз змену кіраўніцтва ў гарадзенскай турме проста мацней «закруцяць гайкі».
Пэўна і сама сістэма, злачынная сістэма, не мае змяніцца ад кадравых перастановак.
Бо ў падобных установах, як турма №1 людзі вымушаны літаральна «праз сілу» выконваць загады, не залежна ад займаемых пасад.
Малады палітык таксама выказаў меркаванне, што масавы выхад на пенсію кіраўніцтва турмы не звязаны з нядаўнім лістом Міколы Аўтуховіча, у якім ён скардзіўся на ўмовы ўтрымання і абыходжанне з боку адміністрацыі турмы №1.
Цяпер чытаюць
«Астравок Паўночнай Карэі». Баранавіцкая школа выкаціла спіс патрабаванняў да выгляду вучняў30
«Астравок Паўночнай Карэі». Баранавіцкая школа выкаціла спіс патрабаванняў да выгляду вучняў
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара1515
Каментары