Cёньня вечарам з гарвыканкаму на імя заяўнікаў акцыі прыйшоў адказ наконт яе маршруту.
Старшыня аргкамітэту акцыі, якая мае пачацца а 14-й у нядзелю 14 кастрычніка, Віктар Івашкевіч паведаміў, што сёньня вечарам з гарвыканкаму на імя заяўнікаў акцыі прыйшлі адказы адносна яе дазволу.
«Чамусьці менскія чыноўнікі яшчэ сёньня ў абед адмаўляліся даваць інфармацыю наконт адказу журналістам, — паведаміў Івашкевіч. — Магу сказаць толькі адно — акцыя дазволеная. Пра маршрут і фармат «Эўрапейскага маршу» пакуль гаварыць не магу. Сёньня ноччу з замежных камандзіровак прылятаюць Аляксандар Мілінкевіч і Анатоль Лябедзька. Заўтра ўсе разам мы і выпрацуем плян дзеяньня. Вынікі будуць вядомыя на прэс‑канфэрэнцыі, якая пройдзе а 12-й ва ўправе БНФ».
У панядзелак у Менгарвыканкаме прапаноўвалі прайсьці шэсьцем ад Акадэміі навук па вуліцы Сурганава да плошчы Бангалор.
Паводле неафіцыйнай інфармацыі, менавіта такі маршрут чыноўнікі дазволілі і ў афіцыйных лістах і папярэдзілі заяўнікаў акцыі «пра адміністрацыйную адказнасьць за парушэньне грамадзкага парадку і адхіленьне ад прапанаванага маршруту руху».
Нагадаем, што Эўрапейскі марш плянаваўся ад Кастрычніцкай плошчы да Нацыянальнай бібліятэкі. Потым у якасьці альтэрнатывы заяўнікі прапаноўвалі шлях ад Купалаўскага сквэру.
-
Іван Прус расказаў, як нажыўся на 200 даляраў, пасяліўшы кіназорку ва ўбітай кватэры каля звалкі ў Шабанах, абстаўленай рэчамі з яго інтэрната
-
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»
-
Літоўскія памежнікі знайшлі на мяжы з Беларуссю партыю цыгарэт на 260 тысяч еўра
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»3
Каментары