ДТЗ адбылося каля 12-й гадзіны 16 студзеня на вуліцы Савецкай.
Аўтобус МАЗ 17-га маршруту перасёк тратуар, як мяркуецца, падмяўшы пад сябе пешаходаў, знёс лаўку і урны ды ўрэзаўся ў драўляную скульптуру ў скверы.
На месцы аварыі працуюць тры разлікі МНС, мноства машын хуткіх. З-пад аўтобуса ратавальнікі дасталі пацярпелага пешахода, як мяркуецца, жанчыну, яна апынулася пад дном аўтобуса. Маладая жанчына загінула.
Як распавяла пасажыр аўтобуса Маргарыта Марозава, «каля сквера аўтобус стала рэзка заносіць, людзі ў салоне крычалі, біліся галовамі, хтосьці паваліўся».
Можна выказаць здагадку, што ў МАЗа падчас руху лопнула кола. На месцы здарэння абмяркоўваюць яшчэ адзін варыянт прычын трагедыі: у кіроўцы аўтобуса падчас руху здарыўся прыступ эпілепсіі.
Аўтобус падымаюць ратавальнікі, але пешаходаў пад ім больш няма. Паводле папярэдніх звестак, пацярпелі вадзіцель і адна з пасажырак аўтобуса.
«Мае спінагрызы са мной». Ціханоўская расказала, што ўжо выбірае для дзяцей школу ў Варшаве12
Каментары