Былы дарадца Віктара Януковіча Ганна Герман, якая лічылася ледзь не самай блізкай яго асобай, дала інтэрв'ю тэлеканалу «Дождь» у Кіеве. Спецыяльны карэспандэнт «Дождя» ў Кіеве Дзмітрый Ялоўскі спытаў Ганну Герман пра тое, ці не ведае яна, дзе знаходзіцца цяпер былы прэзідэнт Украіны, і ці не збіраецца яна, як шэраг іншых украінскіх палітыкаў, пакінуць Радзіму.
— Калі вы ў апошні раз размаўлялі з Януковічам?
— Тады яшчэ, калі ён быў у Харкаве.
— І пра што гаварылі?
— Я казала, што трэба зрабіць некаторыя заявы вельмі важныя, трэба падпісаць тыя законы аб Канстытуцыі, якія ён ініцыяваў, але ён зрабіў іншую заяву. Ён сказаў, што мой тэкст прыйшоў да яго занадта позна, і ён зрабіў іншую заяву.
У жыцці чалавека заўсёды павінна быць час, калі ён не баіцца смерці. Гэта лепшы час яго жыцця, таму што ён тады можа вельмі шмат зрабіць
— У вас няма думкі з'ехаць з краіны?
— Не, вядома, няма. У мяне ёсць шмат магчымасцяў, шмат сяброў, усё мяне запрашаюць. Але я не збіраюся з'язджаць, гэта мая краіна. Я тут нарадзілася, я нешта ў гэтай краіне ўсё ж зрабіла. Урэшце рэшт, тут магіла майго сына. Я думаю, што ўсё будзе добра.
— Калі?
— Гадоў праз дзвесце.
Цяпер чытаюць
Памятаеце Асоль Слівец? Жыццё фрыстайлісткі змянілася да непазнавальнасці, цяпер яна Абігаль6
Каментары