Мінфін ЗША пра санкцыі: Пуцін мае долю ў трэйдары Gunvor
Санкцыі амерыканскіх уладаў супраць шэрагу расійскіх бізнесменаў звязаныя з тым, што яны з'яўляюцца асобамі, набліжанымі да прэзідэнта Расіі.
Нагадаем, у папоўнены «чорны спіс» сёння патрапілі бізнесмены Юрый Кавальчук, Генадзь Цімчанка, Аркадзь і Барыс Ротэнбергі. «Дадзеныя асобы… дзейнічалі дзеля або ад асобы буйной дзяржаўнай афіцыйнай асобы, а таксама аказвалі ёй падтрымку», — цытуе паведамленне Мінфіна ЗША РІА «Новости».
У прыватнасці, адзначаецца, што Уладзімір Пуцін мае долю ў трэйдары Gunvor, 44% акцый якога належаць Цімчанку. У сваю чаргу Gunvor адказаў на дадзеную заяву Мінфіна ЗША: «Пуцін не валодае доляй у кампаніі і не з'яўляецца яе бенефіцыярам».
Што да Аркадзя і Барыса Ротэнбергаў, дык яны «зарабілі мільярды даляраў на кантрактах для «Газпрама» і зімовых Алімпійскіх гульняў у Сочы, якія заключылідзякуючы Пуціну. З гэтых кантрактаў яны атрымалі каля 7 мільярдаў долараў».
Што да Юрыя Кавальчука, дык ён з'яўляецца «персанальным банкірам» для буйных расійскіх чыноўнікаў, уключаючы кіраўніка расійскай дзяржавы. Паведамляецца, што банк «Расія», у якім у Кавальчука 30,3%, абслугоўвае вышэйшых афіцыйных асобаў.
-
Рутэ: Вайскоўцы краін НАТА з’явяцца ва Украіне адразу пасля заключэння мірнага пагаднення
-
Наўседа: Я буду сярод тых, хто найбольш жорстка патрабуе падаўжэння санкцый ЕС супраць Беларусі
-
Біл і Хілары Клінтан пагадзіліся даць паказанні Кангрэсу аб сувязях з Эпштэйнам. Адмова пагражала ім крымінальнай справай
Цяпер чытаюць
Калеснікава: Лукашэнка можа пайсці на спыненне рэпрэсій дзеля будучыні і «з нейкай мудрасці»23
Каментары