Гэты намер быў агучаны на працоўнай сустрэчы кіраўніцтва «Бел Хуавэй Тэхноладжыз» (прадстаўніцтва кітайскага тэлекамунікацыйнага гіганта ў нашай краіне) з намеснікам прэм'ер-міністра Анатолем Тозікам, паведамляюць у прэс-службе ўрада.
Генеральны дырэктар кампаніі Чжан Дунлян пацвердзіў зацікаўленасць кітайскага боку ў стварэнні інтэлектуальна-транспартнай сістэмы Мінска, а таксама ў рэалізацыі ў сталіцы Беларусі праекта «Бяспечны горад», які Huawei ўжо паспяхова ўкараніла не толькі ў Кітаі (горад Чэнду), але і за мяжой (Душанбэ, Кішынёў).
Праект «Бяспечны горад» — гэта праграмны комплекс з ужываннем відэаіаналітычных рашэнняў, які дапамагае хутка вызначыць і аператыўна адрэагаваць на ўсякага роду няштатныя сітуацыі на гарадскіх вуліцах, а таксама своечасова прыняць меры па ліквідацыі іх наступстваў. Калі коратка, гэта комплексная інфармацыйная сістэма, здольная акумуляваць, аб'ядноўваць, аналізаваць і групаваць разнастайныя дадзеныя, якія паступаюць з мноства крыніц, у тым ліку відэакамер.
Цяпер кампанія знаходзіцца ў пошуку надзейнага беларускага партнёра для пашырэння сфер сваёй дзейнасці ў Беларусі, у тым ліку для арганізацыі сумесных распрацовак і сумеснай вытворчасці. Акрамя таго, Huawei ппрацуе над пытаннем аб рэгістрацыі даччынай кампаніі ў Кітайска-беларускім індустрыяльным парку для арганізацыі на яго тэрыторыі новых вытворчасцяў.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»26
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары