Курсы па вывучэнні мовы спярша былі арганізаваныя як мінскія.
Пасля яны прайшлі ў Бабруйску, Гродна, Баранавічах, Нясвіжы, а таксама ў польскім Кракаве.
Ініцыятыва ў арганізацыі такіх курсаў у паўночнай сталіцы Расіі належала Клубу беларусаў Санкт-Пецярбурга. Іх анансавалі менавіта як «Мовы нанова».
Першая сустрэча прайшла ў скляпенні касцёла Успення Найсвяцейшай Дзевы Марыі.
Але пасля дыскусіі прысутныя вырашылі не ўжываць брэнд «Мова нанова». Арганізатары тлумачаць, што не хочуць уводзіць у зман людзей. Маўляў, у Санкт-Пецярбургу будуць праходзіць не моўныя курсы, а культурна-асветніцкія сустрэчы.
Мова будзе ўсяго толькі адным з іх блокаў. Таксама будуць прадстаўлены і літаратура, і гісторыя, і кіно. Будзе прэзентавацца нейкае кніжнае выданне, адбывацца віктарына па рэдкіХ словаХ.
Першая сустрэча была прысвечана абмеркаванню песні, якая вартая стаць Гімнам сучаснай Беларусі. Паслухаўшы дзевяць варыянтаў, большасць санкт-пецярбургскіх беларусаў (каля 60% галасоў) схілілася да «Пагоні» Максіма Багдановіча.
Другую і трэцюю пазіцыі занялі «Мы выйдзем шчыльнымі радамі» і «Магутны Божа».
Згодна з задумай арганізатараў, наступная сустрэча, запланаваная на 12 красавіка, будзе прысвечана наватворам у маўленні. Плануюцца дыскусіі пра ўплыў іншых моваў на беларускую, пра запазычанні і мадэрновыя словы, пра кірыліцу і лацінку, а таксама пра ненарматыўную лексіку беларускай мовы. Наступныя сустрэчы будуць прысвечаныя спеўнай, танцавальнай і тэатральнай традыцыі беларусаў.
12 красавіка арганізатары збіраюцца абмеркаваць назву для праекта.
Але беларусы Санкт-Пецярбурга падкрэсліваюць, што будуць карыстацца распрацоўкамі «Мовы нанова». Таму як бы называліся сустрэчы, яны шмат у чым нагадваюць мінскі праект.
Сустрэчы адбываюцца ў Санкт-Пецярбургу, вуліца 1-я Чырвонаармейская д.11.
-
«Не запатрабавана». З вядомага кафэ Mon Nom на Трактарным прыбралі беларускамоўнае меню
-
Нейрасеткі ўсё яшчэ спатыкаюцца на беларускім маўленні. Беларусы хочуць падарыць штучнаму інтэлекту ідэальны голас
-
Юнак расказаў, як канспектаваў рускамоўныя лекцыі беларускай лацінкай. Гэта выклікала даміно ўспамінаў з БНТУ, БДТУ і БДУ
Пастар Грэм на «Чыжоўка-арэне» папрасіў маліцца за Лукашэнку і Пуціна. А сам маліўся за Трампа55
Каментары