У Столінскім раёне легкавік вылецеў у кювет і перакуліўся на дах, а кіроўца пасля аварыі ўцёк з месца здарэння, пакінуўшы пасажыраў, паведамляе УУС Брэсцкага аблвыканкама.
Паводле папярэдніх звестак ДАІ, аўтамабіль Rover рухаўся па дарозе Н-603 «Вялікае Малешава — Рамель — Альшаны» ў бок вёскі Аздамічы. На павароце кіроўца перавысіў хуткасць, не справіўся з кіраваннем і з’ехаў у кювет, пасля чаго машына перакулілася.
У салоне машыны знаходзіліся тры пасажыры — 36, 25 і 52 гадоў. Іх даставілі ў бальніцу для абследавання. Сам кіроўца пакінуў месца ДТЗ і цяпер яго шукаюць супрацоўнікі міліцыі.
У ДАІ нагадваюць, што ўдзельнік аварыі абавязаны заставацца на месцы здарэння і аказаць дапамогу пацярпелым, бо ўцёкі толькі ўскладняюць сітуацыю і пагаршаюць наступствы.
Цяпер чытаюць
Расіяне сапраўды сталі часцей купляць нерухомасць у Беларусі? Вось што расказваюць рыэлтары22
Расіяне сапраўды сталі часцей купляць нерухомасць у Беларусі? Вось што расказваюць рыэлтары
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1111
Каментары