Махляры рассылаюць фішынгавыя спасылкі ад імя ДАІ пра неаплачаныя штрафы
Аплата штрафаў прымаецца таксама выключна праз сістэму АРІП і афіцыйныя банкаўскія дадаткі, нагадваюць у міліцыі.
Апошнім часам фіксуюцца выпадкі, калі грамадзянам у месенджарах прыходзяць паведамленні пра нібыта неаплачаныя штрафы ДАІ з патрабаваннем тэрмінова перайсці па спасылцы. Зламыснікі масава рассылаюць такія паведамленні ў Viber, Telegram і WhatsApp, паведамляе гродзенская міліцыя.
«Усе афіцыйныя інтэрнэт-рэсурсы органаў і ўстаноў Рэспублікі Беларусь размешчаны выключна ў нацыянальным сегменце сеткі Інтэрнэт — у даменнай зоне.by або.бел», — падкрэсліў Дзяніс Жэшка, намеснік начальніка ўпраўлення па супрацьдзеянні кіберзлачыннасці УПК УУС Гродзенскага аблвыканкама.
Праверыць наяўнасць рэальнай запазычанасці або штрафу па лініі ДАІ грамадзяне могуць самастойна толькі трыма бяспечнымі спосабамі: праз асабісты кабінет на афіцыйным сайце МУС, у сістэме АРІП або пры асабістым звароце ў любое падраздзяленне ДАІ.
Аплата штрафаў прымаецца таксама выключна праз сістэму АРІП і афіцыйныя банкаўскія дадаткі.
Каментары
Таксама раннія версіі смсак падпісваліся экзатычнымі для Беларусі дарожнай паліцыяй і ГІБДД.
Але найбольш паказальна тое, як адныя махляры мімікруюць пад іншых, "афіцыйных". Цікава, ці так ужо шмат між імі адрознага ў РБ