Прэзідэнт Еўрапейскай камісіі Жазэ Мануэль Барозу адхіліў ідэю перадаплаты Украінай паставак за расійскі газ, бо гэта можа негатыўна паўплываць на бяспеку расійскага газавага транзіту па ўкраінскай тэрыторыі ў Еўропу, і заклікаў да большай празрыстасці газавых адносінаў Украіны і Расіі.
Пра гэта гаворыцца ў лісце-адказе Барозу на імя прэзідэнта Расіі Уладзіміра Пуціна, які папярэдзіў аб праблемах у газавых адносінах з Кіевам у лісце ад 10 красавіка, накіраваным лідарам 18 краін ЕС, паведамляе УНІАН.
«Супрацоўніцтва паміж Еўрапейскім Саюзам і Расійскай Федэрацыяй у энергетычнай галіне грунтуецца на агульных інтарэсах… Кантрактная надзейнасць Расійскай Федэрацыі як пастаўшчыка газу на коне ў гэтай справе. У вашым лісце вы ўказваеце на непагашаныя пазыкі «Нафтагаза Украіны» як прычыну для «Газпрома» перайсці на рэжым перадаплаты, які можа — у выпадку адсутнасці аплаты — падахвочваць «Газпром» да частковага ці поўнага спынення паставак газу Украіне», - піша Барозу.
«Такое развіццё з'яўляецца прычынай сур'ёзнай занепакоенасці, паколькі яно прынясе перабоі паставак Еўрапейскаму Саюзу і іншым краінам-партнёрам і будзе датычыцца запампоўвання газу ў сховішчы ва Украіне на бліжэйшую зіму. Што датычыцца паставак у Еўропу, то хачу нагадаць аб кантрактах паміж еўрапейскімі кампаніямі і «Газпромам». Таму гэта абавязак «Газпрома» пераканацца, што агавораныя аб'ёмы газу пастаўляюцца згодна з кантрактамі», - дадае прэзідэнт Еўракамісіі.
Барозу нагадаў, што пастаўкі газу Еўрасаюзу і Украіне цесна пераплецены, і адзначыў, што ЕС гатовы абмяркоўваць, як выконваюцца кантракты, з усімі бакамі на аснове рынкавых цэн, міжнародных нормаў і правілаў з тым, каб пераканацца, што транзіт праз украінскую тэрыторыю, запампоўванне газу ў сховішчы Украіны і пастаўкі газу Украіне ажыццяўляюцца празрыстым і надзейным чынам.
-
Прэм'ер Літвы: Санкцыі супраць Расіі і Беларусі павінны быць хаця б рэгіянальнымі, нацыянальныя без толку
-
Гламурны космас. Джэф Безас адпраўляе сёння ў космас сваю нявесту і яшчэ пяць жанчын
-
Кыргызстан уручыў ноту пратэсту расійскаму паслу пасля аблавы і жорсткага збіцця сваіх грамадзян у маскоўскай лазні
Цяпер чытаюць
Хто такі Мацвей Бяляй, якога нібыта дэпартавалі ў Беларусь? Расказваем гісторыю дзіўнага актывіста з падазроным мінулым5
Каментары