Мітрапаліт Павел: Украіна паказвае ўсяму свету прыклады вынікаў варожасці і нянавісці
Украіна зараз стала для ўсяго свету прыкладам таго, да чаго прыводзіць варожасць і нянавісць, заявіў Мітрапаліт Мінскі і Слуцкі Павел, Патрыяршы Экзарх усяе Беларусі ў эфіры тэлеканала АНТ.
Мітрапаліт таксама адзначыў, што супрацьстаянне ва Украіне, у тым ліку звязана з эгаізмам: «Гэта сапраўды заснавана на «Я хачу». Акрамя таго, ён адзначыў: «Сёння не толькі ўкраінцы вінаватыя ў тым, што адбываецца. Вінаватыя і тыя, хто падбухторвае гэтую краіну, гэты народ, хто падагравае фінансава, зброяй і ідэалогіяй…
Хочацца усіх заклікаць да сумлення, бо ўсе мы паўстанем перад Богам на Страшным судзе. Вось тады і адкрыецца, хто фінансаваў, хто падтрымліваў, хто падбухторваў».
Таксама іерарх адзначыў, што трэба маліцца за мір ва Украіне.
У сваю чаргу Мітрапаліт Мінска-Магілёўскі арцыбіскуп Тадэвуш Кандрусевіч нагадаў, што ва Украіне жыве нямала беларусаў, а ў Беларусі — украінцаў. Акрамя гэтага, жыхары ўкраінскай дзяржавы — па большай частцы таксама хрысціяне. Іерарх нагадаў, што ў мінулым годзе адзначалася 1025-годдзе Хрышчэння Русі, якое пачыналася менавіта з Кіева.
«Калыска — гэта Кіеў, Днепр — магутны Дніпро. Ён аб'ядноўвае Беларусь і Украіну. Таму вельмі цяжка глядзець навіны па тэлебачанні, глядзець у Інтэрнэце, што там адбываецца…», — сказаў арцыбіскуп Тадэвуш Кандрусевіч.
Ён таксама заклікаў усіх вярнуцца да запаведзі «Любі бліжняга свайго, як самога сябе».
Цяпер чытаюць
Як асабістая доктарка Лукашэнкі вучыць беларусаў цаніць радзіму, а сама скупляе люкс і адпачывае на Блакітным Беразе ШМАТ ФОТА54
Як асабістая доктарка Лукашэнкі вучыць беларусаў цаніць радзіму, а сама скупляе люкс і адпачывае на Блакітным Беразе ШМАТ ФОТА
На Афоне адшукалі тры невядомыя раней асобнікі Астрожскай Бібліі. Для яе стварэння друкар Іван Фёдараў, выхадзец з Беларусі, выкарыстоўваў тэксты Скарыны44
Каментары