У Пінскім раёне пры будаўніцтве прыватнага жылога дома загінулі два мясцовыя жыхары.
Як паведаміў прэс-сакратар Брэсцкага абласнога ўпраўлення МНС Сяргей Машноў, трагедыя здарылася 10 мая ў садаводчым таварыстве «Пінчанка» ў вёсцы Заполле.
Аб тым, што на адным з участкаў пад абваленай будаўнічай канструкцыяй знаходзяцца два чалавекі, у 21.19 у Пінскі ГРАНС паведаміла жанчына. Работнікі МНС, якія прыбылі да месца выкліку, дэблакіравалі з-пад завалы мужчын 1954 і 1967 гадоў нараджэння. Медыкам хуткай дапамогі выратаваць пацярпелых не ўдалося.
Мужчын заваліла ў выніку разбурэння апалубкі на вышыні 2,5-3 метра і праліву вадкага бетону. Прычыны і акалічнасці здарэння ўстанаўліваюць праваахоўныя органы.
Каментары