Сэрвіс YouTube тэстуе новы інтэрфейс, у якім кнопка «Дызлайк» знікае з панэлі пад відэа.
У некаторых карыстальнікаў гэта кнопка перамясцілася ў дадатковае меню, якое адкрываецца націсканнем на тры кропкі, а іншыя паведамляюць, што магчымасць паставіць адмоўную ацэнку ўвогуле знікла. Пры гэтым кнопка «Лайк» застаецца на звыклым месцы.
Як паведамляе выданне 9to5Google, першыя звесткі пра змены з’явіліся ў сацыяльных сетках X і Reddit. Карыстальнікі публікуюць скрыншоты абноўленага інтэрфейсу, на якіх кнопка «Не падабаецца» знаходзіцца сярод другарадных функцый. Паводле паведамленняў, эксперымент пакуль ахоплівае абмежаваную колькасць карыстальнікаў, пераважна тых, хто глядзіць відэа праз вэб-версію YouTube.
Калі кнопка стане менш прыкметнай, каб паставіць «дызлайк», гледачам давядзецца выконваць дадатковыя дзеянні. Гэта можа прывесці да памяншэння колькасці адмоўных ацэнак.
Google пакуль афіцыйна не пракаментавала эксперымент. Таксама невядома, ці плануе кампанія распаўсюдзіць новы інтэрфейс на ўсіх карыстальнікаў.
Гэта не першая змена ў сістэме ацэнкі відэа на YouTube. У лістападзе 2021 года платформа схавала агульнадаступны лічыльнік «дызлайкаў». Кампанія патлумачыла гэта неабходнасцю абараніць аўтараў, асабліва невялікія каналы, ад арганізаваных кампаній масавага прастаўлення адмоўных ацэнак. Пры гэтым сама кнопка засталася даступнай, а аўтары відэа па-ранейшаму маглі бачыць дакладную колькасць «дызлайкаў» у YouTube Studio.
У чэрвені 2026 года YouTube абвясціў пра адмову ад кнопкі «Дызлайк» у Shorts. Замест яе гледачам прапанавалі інструменты «Не цікава» і «Не рэкамендаваць канал», якія дазваляюць больш дакладна наладжваць рэкамендацыі.
У кампаніі патлумачылі, што адмоўная ацэнка не заўсёды сведчыць пра нізкую якасць відэа: часам ролік проста не адпавядае інтарэсам канкрэтнага гледача.
Цяпер падобныя змены могуць закрануць і звычайныя відэаролікі. Аднак казаць пра поўную адмену «дызлайкаў» пакуль рана: YouTube толькі выпрабоўвае новы інтэрфейс і яшчэ не абвясціў пра канчатковае рашэнне.
ШІ-генерацыю ў відэагульнях крытыкавалі, а цяпер захапляюцца. Злітая тэхналогія ад NVIDIA ператварае старыя гульні ў сапраўдны кінематограф
Асноўнай рэакцыяй на Пуціна, Лаўрова, Пяскова ў расійскім тэлеграме стаў клоўн
Нейрасеткі робяць цуды з гістарычнай спадчынай Беларусі ШМАТ ФОТА
У інстаграме можа з'явіцца кнопка дызлайка
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос4
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1414
Каментары