У сувязі з расстрэлам Рыгора Юзэпчука Еўрапейскі саюз ізноў заклікаў беларускія ўлады ўвесці мараторый на смяротную кару.
«Мы рашуча асуджаем нядаўнюю смяротную кару Рыгора Юзэпчука, які быў прыгавораны да смяротнай кары ў красавіку 2013 года. Гэта ўжо другі выпадак прывядзення ў выкананне смяротнага прыгавору ў Беларусі сёлета», — гаворыцца ў заяве ЕС.
У дакуменце выказваецца разуменне сур'ёзнасці злачынстваў, з-за якіх была прыменена вышэйшая мера пакарання. У той жа час ЕС выступае супраць смяротнай кары, «бо яна не можа быць апраўдана ні пры якіх акалічнасцях».
Смяротная кара з'яўляецца «жорсткім і бесчалавечным пакараннем, якая не можа служыць стрымваючым фактарам і ўяўляе сабой непрымальнае адмаўленне чалавечай годнасці і недатыкальнасці».
ЕС заклікае Беларусь, «адзіную краіну ў Еўропе, якая прымяняе смяротную кару», далучыцца да ўсеагульнага мараторыя на гэты від пакарання ў якасці першага кроку да яго поўнай адмены.
Каментары