Генеральны дырэктар расійскага ААТ «Уралкалій» Дзмітрый Осіпаў у інтэрв'ю агенцтву Bloomberg заявіў, што не вядзе ніякіх перамоваў аб аднаўленні супрацоўніцтва з ААТ «Беларуськалій».
«Асабіста я ніякіх перамоваў з «Беларуськаліем» цяпер не вяду», — заявіў Осіпаў, адмовіўшыся каментаваць умовы любога магчымага аднаўлення супрацоўніцтва.
Кіраўнік «Уралкалія» назваў нядаўнюю сустрэчу саўладальніка кампаніі, бізнэсмэна Дзмітрыя Мазепіна з Аляксандрам Лукашэнкам «дастаткова канструктыўнай». «Я лічу яе вельмі ранняй стадыяй перамоваў», — дадаў Осіпаў.
Гаворачы аб стратэгіі сваёй кампаніі, ён заявіў: «Мы адказны гулец. Для нас доля на рынку важная, але мы не хочам падзення цэн».
Каментары