Верталёты Мінабароны РФ знішчылі «падлодку праціўніка» ў Балтыйскім моры
Экіпажы супрацьлодкавых верталётаў марской авіяцыі Балтыйскага флоту, якія ўдзельнічаюць у вучэннях пад Калінінградам, знішчылі падводную лодку ўмоўнага праціўніка, паведамілі ў прэс-службе Заходняй ваеннай акругі ў суботу.
Паводле легенды вучэнняў, у раёне марскіх шляхоў знаходзілася падводная лодка ўмоўнага праціўніка, экіпажу якой трэба было парушыць марскія камунікацыі Балтыйскага флоту.
«У названы квадрат мора былі накіраваны верталёты марской авіяцыі… Пасля выяўлення і вызначэння каардынатаў падводнай лодкі лётчыкі знішчылі спецыяльны імітаваны падводны аб'ект пры дапамозе авіяцыйных бомбаў», — цытуе паведамленне ria.ru.
Сумесныя вучэнні Балтыйскага флоту, ПДВ і ВПС Расіі пад кіраўніцтвам камандуючага войскамі Заходняй ваеннай акругі праходзяць у Калінінградскай вобласці. Падраздзяленні паветрана-касмічнай абароны выконваюць задачы прыкрыцця паветранай прасторы раёнаў вучэнняў.
Мерапрыемствы праходзяць адначасова з міжнароднымі вучэннямі НАТА Saber Strike-2014 і Baltops-2014, якія пачаліся ў Еўропе.
Колькасць прыцягнутых да вучэнняў у Калінінградскай вобласці сіл і сродкаў Мінабароны Расіі супастаўная з колькасцю асабістага складу, ўзбраення і ваеннай тэхнікі, задзейнічаных ў прыгранічных вучэннях, якія праводзяцца краінамі НАТО.
Цяпер чытаюць
Гістарычныя +40,4°C у Пінску — гэта толькі разагрэў. Беларусь уваходзіць у новую кліматычную эру і на вачах стане лесастэпам8
Каментары