На перамовах з Расіяй і АБСЕ па Данбасе Украіну будзе рэпрэзентаваць Кучма, а баевікоў — кум Пуціна
23 чэрвеня ў Данецку адбудзецца пасяджэнне трохбаковай кантактавай групы па рэалізацыі мірнага плана прэзідэнта Пятра Парашэнкі. Пра гэта паведамляе прэс-служба прэзідэнта Украіны.
Мэта пасяджэння — вызначэнне этапаў рэалізацыі мірнага плана.
«Чакаецца, што ў перамовах у Данецку возьмуць удзел спецпрадстаўнік дзеючага старшыні АБСЕ Хайдзі Тальявіні і пасол Расіі ва Украіне Міхаіл Зурабаў. Па даручэнні кіраўніка дзяржавы, у пасяджэнні возьме ўдзел другі прэзідэнт Украіны Леанід Кучма», — гаворыцца ў паведамленні.
Перад ад'ездам кантактавай групы ў Данецк прэзідэнт Украіны прыняў яе ўдзельнікаў у Кіеве.
«Удзел Леаніда Кучмы сведчыць аб высокай увазе прэзідэнта Украіны да гэтай місіі», — заявіў Парашэнка.
Як вядома, першае пасяджэнне групы адбылося 8 чэрвеня ў Кіеве. Тады Украіну рэпрэзентаваў амбасадар у Нямеччыне Паўло Клімкін, які цяпер узначальвае МЗС.
У панядзелак у Люксембургу на пасяджэнні Рады ЕС па замежных справах Клімкін выкладзе мірны план Парашэнкі па ўрэгуляванні сітуацыі на ўсходзе краіны.
Як вядома, у нядзелю прэзідэнт Расіі Уладзімір Пуцін выказаў радасць, што ягоны кум Віктар Медвядчук «атрымаў мандат» весці перамовы з АБСЕ ад імя абодвух аб'яднанняў баевікоў на Усходзе — Луганскай і Данецкай «народных рэспублік».
У склад трохбаковай групы Медведчука ўключаць не будуць.
Цікава, што Медвядчук у свой час быў кіраўніком Адміністрацыі Леаніда Кучмы. Абодва былі крайне непапулярнымі, яны былі аб'ектамі нянавісці ў часе Аранжавай рэвалюцыі. І вось — усплылі, вайна вынесла.
Цяпер чытаюць
Мужу вядомай беларускай адвакаткі далі ў Расіі 9 гадоў калоніі за хабары. А іх сумесную кватэру ў Выбаргу цішком прадалі1
Мужу вядомай беларускай адвакаткі далі ў Расіі 9 гадоў калоніі за хабары. А іх сумесную кватэру ў Выбаргу цішком прадалі
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»1010
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»10
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра2525
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра25
«Што, грохнуць дзяцей Ціханоўскай, каб звярнулі ўвагу на маю праблему?» Як тупы каментар актывіста Дзяніса Дашкевіча стварыў яму праблемы ў Польшчы2929
Каментары