У сучасным свеце чалавек настолькі непарыўна звязаны з тэхнічнымі навінкамі, што бактэрыі, якія жывуць на яго скуры, «перасяляюцца» на гаджэт свайго ўладальніка.
Мікрабіёлагі з Універсітэта штата Арэгон прыйшлі да высновы, што мікрафлора на скуры чалавека і на яго смартфоне практычна не адрозніваецца па складзе. Вынікі свайго даследавання навукоўцы апублікавалі ў часопісе PeerJ.
Спецыялісты параўналі бактэрыі на ўказальным пальцы людзей і на экране смартфона. Для найлепшага аналізу мікрабіёлагі вывучалі ДНК бактэрый. Усяго навукоўцы праверылі 51 пару «чалавек-гаджэт».
Вынікі ўразілі даследчыкаў. Аказалася, што 82% бактэрый, выяўленых на пальцы чалавека, прысутнічаюць таксама і на сэнсарным экране смартфона. Прычым вялікая частка бактэрый — гэта стрэптакокі, стафілакокі і карынебактэрыі, якія з'яўляюцца звычайнымі «жыхарамі» скуры чалавека.
У бліжэйшых планах навукоўцаў вывучыць мікрафлору мабільных тэлефонаў медыкаў і наведвальнікаў шпіталяў і высветліць, ці ёсць на мабільніках патагенныя бактэрыі. Падобныя веды дапамогуць ацаніць ролю смартфонаў у распаўсюдзе рознага роду інфекцый.
***
Навуковы часопіс адкрытага доступу PeerJ не залежыць ад манаполіі выдавецтваў і ствараецца навукоўцамі для навукоўцаў. Стваральнікі праекта сцвярджаюць, што навуковая інфармацыя павінна быць бясплатнай і даступнай кожнаму. Кожная навуковая праца, апублікаваная ў часопісе, праходзіць публічнае рэцэнзаванне экспертамі, а ў яе абмеркаванні можа прыняць удзел любы жадаючы. На сёння ў PeerJ больш за 800 навуковых рэдактараў з розных краін свету. Удзел у працы рэдакцыйнага савета прымаюць лаўрэаты Нобелеўскай прэміі. У PeerJ падаюцца заяўкі на публікацыю з усяго свету, яны ахопліваюць усе вобласці біялагічных навук, медыцыны, аховы здароўя. Найбольш папулярныя тэмы цяпер — гэта экалогія і біяінфарматыка.
-
Кампанія OpenAI прыняла рашэнне канчаткова адключыць сваю папулярную мадэль штучнага інтэлекту ChatGPT-4o
-
Канец эпохі цалкам бясплатнага ШІ? У ChatGPT з'яўляецца рэклама, і вось як яна будзе выглядаць
-
«Лега» абвяшчае рэвалюцыю: прэзентаваная сістэма, якая ажыўляе кубікі без смартфонаў. Вось як яна працуе і колькі каштуе
Каментары