«Героі не паміраюць. Кароткая гісторыя бескампраміснага гераізму» — пад такім загалоўкам пра гераізм ўкраінскіх вайскоўцаў падчас баявых дзеянняў у Луганскай вобласці паведамляецца ў Фэйсбуку Міністэрства абароны Украіны.
…Пры падтрымцы пяхоты аднаго з батальёнаў тэрытарыяльнай абароны танкісты вялі бой, вызваляючы населеныя пункты Шчасце і Металіст (пад Луганскам).
Для праверкі будынкаў і зачысткі ад баевікоў асабісты склад пяхоты спешыўся. У гэты час з аднаго з бліжэйшых дамоў тэрарысты пачалі весці прыцэльны агонь з аўтаматаў, кулямётаў і гранатамётаў.
Некалькімі стрэламі з РПГ-18 баевікі падбілі танк УС Украіны Т-64. Ён загарэўся. Экіпаж хутка пагасіў пажар, але танк завесці зноў не удалося. Баевікі актывізаваліся і пачалі весці шквальны агонь са стралковай зброі. Танкісты пакінулі падбітую машыну, адступілі да бліжэйшага будынка і занялі абарону.
Падчас бою наводчык танка быў паранены, страціў прытомнасць, і тэрарысты захапілі яго ў палон. Смяротныя раненні атрымаў яшчэ адзін член экіпажа — механік-кіроўца.
Да апошняга трымаўся камандзір экіпажа, працягваючы весці агонь.
Паранены, з усіх бакоў акружаны баявікамі, ён падпусціў тэрарыстаў бліжэй і тады — вырваў загваздку гранаты і падарваў сябе разам з ворагамі…
«Адгукнуўся на 95% аб'яў — і ўсе адмовілі». Расіяніну не хочуць здаваць кватэру ў Гродне8
Каментары