Любое ўмяшанне на падставе аказання «гуманітарнай» дапамогі жыхарам рэгіёнаў, дзе ідуць баі, можа быць ажыццёўлена толькі пасля фармальнага ўзгаднення з урадам Украіны і адпаведнага дазволу Кіева, заявіў прэзідэнт ЗША ў ходзе гутаркі з кіраўніком італьянскага ўрада.
Як паведамляецца на сайце Белага дома, Барак Абама і прэм'ер-міністр Італіі Матэа Рэнца абмеркавалі ў тэлефоннай размове шэраг вострых міжнародных праблем, у тым ліку сітуацыю ва Украіне.
Яны адзначылі намаганні ўкраінскіх уладаў па арганізацыі дастаўкі гуманітарнай дапамогі пад эгідай Міжнароднага Камітэта Чырвонага Крыжа і іншых прызнаных міжнародных арганізацый.
Абама і Рэнца таксама выказалі адзінае меркаванне, што любыя крокі Расіі, якія не адпавядаюць вышэйпералічаным палажэнням, будуць прызнаныя недапушчальнымі і парушаючымі міжнародныя законы, і прывядуць да дадатковых санкцый супраць Масквы.
Між тым, па паведамленнях расійскіх інфармагенцтваў, аўтакалона з сотняў грузавікоў з расійскай гуманітарнай дапамогай жыхарам паўднёвага ўсходу Украіны выехала ў ноч на аўторак з падмаскоўнага Нара-Фамінска.
Цяпер чытаюць
Як у галечы співалася радня Лукашэнкі? Малавядомыя факты45
Каментары