Аўтакалона з расійскай гуманітарнай дапамогай жыхарам паўднёвага ўсходу Украіны выехала ў аўторак з падмаскоўнага Нара-Фамінска.
Як паведамілі ў адміністрацыі Маскоўскай вобласці, «аўтакалона даставіць жыхарам Усходняй Украіны каля 2 тыс. тон гуманітарных грузаў, сабраных масквічамі і жыхарамі Маскоўскай вобласці».
У склад калоны ўваходзяць каля 280 грузавых аўтамабіляў.
Паводле інфармацыі расейскіх уладаў, яны павінны даставіць прадукты, медыкаменты, пітную ваду, спальныя мяшкі і электрастанцыі.
Раней на сайце Крамля з'явілася паведамленне, што гуманітарны канвой для Украіны «ўзгоднены».
Аднак гэтую інфармацыю пакуль не пацвердзілі ні прадстаўнікі Еўрасаюза, ні прэс-служба ўкраінскага прэзідэнта, ні Міжнародны камітэт Чырвонага Крыжа.
Каментары