Самаабвешчаныя Данецкая і Луганская народныя рэспублікі на перамовах у Мінску заклікалі Кіеў прызнаць іх асаблівы статус і ў абмен на выкананне іх патрабаванняў абяцаюць прыкласці максімум высілак для захавання адзінай прасторы Украіны.
Прадстаўнікі Данецкай і Луганскай народных рэспублік у панядзелак абнародавалі перамоўную пазіцыю дзвюх «рэспублік» перад сустрэчай кантактнай групы па ўрэгуляванні ўкраінскага крызісу ў Мінску.
«Раўнапраўныя перамовы з'яўляюцца адзіным прымальным для народных рэспублік спосабам вырашэння канфлікту і аднаўлення міру… Прэзідэнт, урад і Вярхоўная рада Украіны павінны прыняць у адпаведнасці з духам і літарай Жэнеўскіх дамоўленасцей заканадаўчыя акты, якія гарантуюць … прызнанне Украінай асаблівага статусу тэрыторый, якія кантралююцца народнымі рэспублікамі», — гаворыцца ў дакуменце.
«У выпадку прыняцця вышэйзгаданых заканадаўчых гарантый пры паручыцельстве ЕС і Расіі народныя рэспублікі са свайго боку гарантуюць, што прыкладуць максімум намаганняў для падтрымання міру, захавання адзінай эканамічнай, культурнай да палітычнай прасторы Украіны і ўсёй прасторы Руска-Украінскай цывілізацыі. У выпадку спынення братазабойчай вайны і ў мэтах выканання ўзятых на сябе ў ходзе перамоваў абавязацельстваў народныя рэспублікі будуць пацвярджаць гэтыя гарантыі шляхам прыняцця неабходных для выканання ўзятых абавязацельстваў законаў, актаў і дэкларацый», — заяўляе кіраўніцтва самаабвешчаных рэспублік.
Цяпер чытаюць
Ад сачэння за топ-менеджарамі да пікантных драм ХІХ стагоддзя. Як працуе дэтэктыўнае агенцтва «Рэкс» Аляксандра Азарава3
Ад сачэння за топ-менеджарамі да пікантных драм ХІХ стагоддзя. Як працуе дэтэктыўнае агенцтва «Рэкс» Аляксандра Азарава
Фядута рэзка адказаў Калеснікавай: За што вы змагаліся ў 2020 годзе, не цікавіць нікога, акрамя мядзведзяў з берлінскага заапарка, якія вас атачаюць3737
Каментары