Вынікі зьезду стануць індыкатарам пэрспэктываў ўсёй палітычнай апазыцыі, – піша «СБ».
Вынікі зьезду стануць індыкатарам пэрспэктываў ўсёй палітычнай апазыцыі, – піша «СБ».
Друкаваны орган Адміністрацыі прэзыдэнта газэта «Советская Белоруссия» зьмясьціла ў пятнічным нумары на другой паласе матэрыял, прысьвечаны заўтрашняму зьезду Партыі БНФ.
Аўтар артыкулу Руслан Кірэеў піша, што гэтая падзея прыцягвае ўвагу зь некалькіх прычын: “БНФ зьяўляецца адной з найстарэйшых партый. У БНФ ёсьць пэўная колькасьць структур, у яго, нарэшце, дынамічны і самаадданы электарат, які часта не зьвязаны фармальным сяброўствам у Партыі, але гатовы з энтузіязмам выконваць партыйныя даручэньні”.
Газэта мяркуе, што Партыя, якая ярка праявіла сябе ў канцы 1980-ых, сышла ў цень.
Выданьню таксама не дае спакою адзінства антылукашэнкаўскіх сілаў, у тым ліку кааліцыя БНФ з камуністамі Калякіна.
“Вынікі хуткага зьезду, кульмінацыяй якога павінны стаць выбары новага старшыні, цікавыя. Перш за ўсё тым, што зьяўляюцца ў пэўнай ступені індыкатарам пэрспэктываў ўсёй палітычнай апазыцыі”, – піша “СБ”.
Пасьля газэта дае кароткую характарыстыку кожнага з кандыдатаў на пасаду старшыні. Алесю Міхалевічу і выпадку з затрыманьнем напярэдадні мінулых прэзыдэнцкіх выбараў на расейскай мяжы накладу газэты-пародыі на «СБ» прысьвечаная асобная ўрэзка.
На думку аналітыкаў, на якіх спасылаецца выданьне, перамога Алеся Міхалевіча на гэтым зьезьдзе замацуе ў апазыцыйным асяродку пазыцыі Аляксандра Мілінкевіча.
Пераабраньне ж Вячоркі захавае “цяперашнюю канфігурацыю на чале з Калякіным і Лябедзькам”.
Напрыканцы артыкулу рэзюмуецца: “Але найбольшай інтрыгай зьезду можна лічыць адказ на пытаньне: ці прыедзе ў Менск Пазьняк, ці зноў, папалохаўшы сваіх фанатаў інфармацыяй аб “пагрозе для жыцьця”, ён аддасьць перавагу выслаць з Варшавы чарговы магутны інструктыўны тэкст”.
Цяпер чытаюць
Калеснікава: У 2020‑м я змагалася не супраць Лукашэнкі, а за людзей, свабоду і свабодныя выбары33
Калеснікава: У 2020‑м я змагалася не супраць Лукашэнкі, а за людзей, свабоду і свабодныя выбары
Каля Сафіі ў Полацку паставілі помнік лётчыкам Нічыпарчыку і Куканенку. Але нават не самалёт той мадэлі, на якой яны загінулі, а аэраплан сталінскага часу2020
Каментары