Меркаванні

«Мы будзем памятаць яе маладой» і «Гэта ж Дзмітры Рабаў!» Што яшчэ людзі пішуць пра новую версію «Быхаўскай мадонны»?

Публікацыя «Нашай Нівы», што выклікала грамадны рэзананс, дайшла і да ўладаў Магілёўшчыны. Яны запатрабавалі ад аўтара перарабіць гранітную скульптуру «Жанчыны-маці» ў Быхаве. Ён сапраўды яе абтачыў наноў. Што думаюць людзі пра новы варыянт? Сабралі самыя залайканыя меркаванні.

Скульптуру «Жанчыне-маці» да Года беларускай жанчыны адкрылі ў Быхаве да Дня кастрычніцкай рэвалюцыі. Праз дзіўны твар, адсутнасць шыі і непрапарцыйную постаць праца магілёўскага скульптара Аляксандра Мінькова стала аб'ектам смеху. У гэтай постаці людзі пабачылі сімвал дэградацыі беларускай культуры пры дыктатуры Лукашэнкі.

Схамянуліся і ўлады. Аўтару загадалі перарабіць гранітную постаць. Вынік пераробкі выклікаў новую хвалю абмеркавання ў сацыяльных сетках.

«Быхаўскую Мадонну перарабілі. У Быхаўскую бабулю. Жыццё ў нашых жанчын вядома, вельмі няпростае, але не настолькі ж усё дрэнна?» Гэты допіс беларускі сабраў пад 1200 падабаек. 

Тое, што жанчына візуальна пастарэла, адзначаюць многія каментатары: «справа жанчына — злева бабуля».

Беларусы таксама пытаюцца, чаму беларуская жанчына павінна выглядаць «як ахвяра савецкага дэфіцыту», у «шмотках пачатку 60‑х гадоў, якія яна сама перашыла з мяхоў».

«Прыкладна так я выглядаю пад канец гэтага неймавернага года жанчыны» — жартуе яшчэ адна з каментатарак, 413 лайкаў.

Іншы дадае, што скульптура «стала сімвалам шматпакутных жанчын, затое ў горадзе будзе што расказаць».

Іншы папулярны жарт — што гэта першая жанчына-помнік, якая зрабіла пластыку.

«А цяпер выварат вачэй, як пасля няўдалай блефарапластыкі», — прыкмячае іншы.

Яшчэ заўважылі, што, «рамантуючы» шыю, скульптар, падобна, зачапіў вуха. І мочка цяпер пачынаецца на ўзроўні броваў:

«Ад Мікеланджэла да Пікаса адным рухам балгаркі».

«Цяпер больш жа бабулі падобная, неяк пастарэла», — так мяркуе большасць. Тлумачэнні знаходзяць жыццёвыя: у Беларусі для жанчын «год за сем ідзе», таму «Венера Быхаўская» паспела састарэць, пакуль майстар пераробліваў.

Ёсць і тыя, хто лічыць, што жанчына ў выніку пераробкі стала падобная да мужчыны.

«Як крута быхаўскі геній змог перадаць твар Дзмітрыя Рабава! У захапленні!» — заўважае чалавек у трэдсах.

Іншы каментатар адзначае падабенства з Уладзімірам Караткевічам.

Яшчэ больш дасталося хлопчыку, якога маці трымае за руку. Каментатары лічаць, што ў яго «ацёк Квінке і яму патрэбная дапамога», а пасля дапрацоўкі ён увогуле ператварыўся ў старога.

«Навошта было хлопчыка ў дзядулю перарабляць?» — пытаюцца пад пастамі.

«Калі добра прыгледзецца, то побач з ёй якраз дзядуля, проста значна ніжэйшы ростам. Няпросты лёс у пары…», — заўважаюць іншыя.

«Бедны камень», «ён такога не заслужыў», «мільёны гадоў праляжала, каб вось так з ёй некалькі разоў», — пішуць іншыя.

Нехта раіць пусціць «шэдэўр» на крошку, бо «ў выглядзе крошкі граніт таксама добры».

Чорны пакет, якім накрылі скульптуру, многія палічылі найлепшым рашэннем. Так адным з самых папулярных каментароў стала прапанова: «Дык, можа, з пакетам і пакінуць на ўсякі выпадак?»

«Самае правільнае, што зрабілі, гэта накрылі чорным пакетам», — згаджаюцца іншыя. «З пакетам на галаве, можа, і пойдзе».

Беларусы называюць скульптара «бракаробам і двоечнікам», заўважаюць, што ён здолеў выправіць «з двойкі на слабую тройку». І іранізуюць: «можа ж ГОРШ, калі захоча».

Найбольш трапныя ацэнкі прагучалі па-беларуску:

«Кажуць: і так гаўно, і так насрата», «Бог ведае, у каго ты такі ўдаўся — ні чорту качарга, ні Богу свечка», «Не будзе Гіршы — будзе чорт іншы».

Навіну, што скульптуру хочуць выкупіць, многія ўспрынялі з палёгкай:

«Хай бы ён лепш сабе яе пакінуў», «прадавайце, пакуль гатовыя забраць», «хоць бы выкупілі».

Праўда, не ўсе згубілі надзею. Нехта ўпэўнены, што прагрэс можа працягнуцца: «Было вельмі дрэнна, а стала дрэнна. Яшчэ 2‑3 ітэрацыі, і будзе добра».

А самы залайканы каментар з усіх прагледжаных намі: «Мы будзем помніць яе маладой».

Каментары

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Украіна нанесла ўдар па штабе арміі ў Бярдзянску. Загінулі сямёра вайскоўцаў, у тым ліку сын генерала3

Выжыць на 1500 рублёў? Некаторыя мінчане кажуць, што гэта рэальна11

Эстонія з 1 снежня закрывае мяжу з Расіяй4

У Мінску прадаюць «Жыгулі» з маторам на 300 сіл2

Украіна сёння збіла 79 крылатых ракет з 84, але не мае чым збіваць балістыку1

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты5

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць