У Зугрэсе Данецкай вобласці баевікі прывязалі да слупа мужчыну.
Аб гэтым паведамляецца на старонках сепаратыстаў у сацыяльных сетках.
Мужчыну прывязалі на скрыжаванні каля дома культуры ў пасёлку Зугрэс-2 каля 8 раніцы. Яго называюць «карнікам». Баевікі заяўляюць, што затрыманы імі чалавек — добраахвотнік батальёна «Данбас» з пазыўным «Зугрэс».
«Узяты быў дома, калі чарговы раз прыехаў на выхадныя, адпачыць і падлячыць нагу, пашкоджаную яшчэ ў баях пад Ілавайскам», — пішуць на інфармацыйных старонках сепаратыстаў.
25 жніўня баевікі батальёна «Усход» у Данецку прывязвалі да слупа Ірыну Доўгань, якую напачатку абвінавачвалі ў карэкціроўцы артылерыйскіх абстрэлаў Данецка.
Каментары