У Беларусі робіцца ўсё для таго, каб не дапусціць пранікнення віруса Эбола на тэрыторыю краіны.
Пра гэта паведаміў журналістам галоўны дзяржаўны санітарны ўрач Ігар Гаеўскі. Паводле яго слоў, сёння ўсе службы гатовыя сустрэць магчымую праблему. У першую чаргу ўсе сілы сканцэнтраваны на мяжы і ў аэрапорце.
Штодня тая ці іншая служба праходзіць праверку або вучэнне. Напрыклад, сёння такія вучэнні праходзяць на мытні.
Па словах Гаеўскага, самая вялікая небяспека — гэта студэнты з Нігерыі, якія навучаюцца ў ВНУ Беларусі.
Пасля прыбыцця ў нашу краіну ўсё яны 21 дзень (інкубацыйны перыяд захворвання) назіраюцца спецыялістамі. Акрамя таго, у групе рызыкі — тыя, хто прыбыў з іншых краін Афрыкі.
За некалькі месяцаў толькі 5 чалавек у Нацыянальным аэрапорце і адзін у Віцебску — прыбылыя з Нігерыі студэнты — «канфіскоўваліся» каранціннай службай, бо ў іх была зафіксавана павышаная тэмпература цела. Пасля гэтага людзей адразу ізалявалі і шпіталізавалі. Аналізы на вірус Эбола былі адмоўнымі.
Ігар Гаеўскі звярнуў увагу, што дактары-інфекцыяністы ёсць па ўсёй Беларусі, а практычна ў любым раённым цэнтры ёсць інфекцыйная бальніца, аддзяленне альбо боксы для такіх хворых. На адлегласць 25—30 кіламетраў заражанага можа падвезці спецыяльна абсталяваная брыгада хуткай дапамогі. Тэхнічная аснашчанасць, паводле слоў спецыяліста, дастатковая, але прапрацоўваецца пытанне аб набыцці больш сучаснага абсталявання.
«Мы падрыхтавалі больш за 4 тысячы спецыялістаў усіх напрамкаў і сфер, якія могуць сутыкнуцца з праблемай (віруса Эбола», — паведаміў Гаеўскі.
Напрыклад, пры выкліку хуткай дапамогі хвораму спецыялісты ўдакладняць, з кім кантактаваў хворы, калі трэба, выедзе адпаведным чынам экіпіяваныя брыгада: у масках, акулярах, касцюме.
Па словах Гаеўскага, насельніцтва Беларусі занепакоенае распаўсюджваннем віруса ў свеце.
«Для людзей цяпер няма больш значнага страху, чым Эбола. У міністэрства прыходзяць лісты ад грамадзян, якія выказваюць сумневы ў гатоўнасці сістэмы», - распавёў ён.
Крутога айцішніка, які вярнуўся з Польшчы, кінулі за краты за фінансаванне «экстрэмізму»25
Каментары