«Нельга думаць, што ў Беларусі няма сіл, гатовых змагацца за Расію. Мы іх знайшлі і пакажам вам», — піша рэсурс 1863x.com.
«Рэдакцыя вырашыла прыкінуцца простымі хлопцамі, з вельмі «ватнымі» поглядамі, якія шукаюць аднадумцаў унутры Беларусі. Знаходзім гламурнага хлопца, з вялікай колькасцю прарускіх падпісак. Вось яго старонка — https://vk.com/id7123641.
Загадзя кажам, што да Рамана не адчуваем негатыву, лічачы яго ахвярай звычайнай ідэалагічнай вайны. Рома, калі будзеш чытаць гэтыя радкі — ты ж нармальны хлопец, бяжы адтуль.
Пасля кароткіх тлумачэнняў, што мы баімся беларускіх «правасекаў і бандэраўцаў», якія хочуць зладзіць Майдан на выбарах у 2015-м, справа пайшла бліжэй да сутнасці.
Задаём навадныя пытанні, намякаючы, што «Лукашэнка ўключыў беларускага нацыяналіста».
Вось гэтая фраза чамусьці нам падалася падазронай, і далейшая размова апраўдала чаканні.
Вось так сюрпрыз. Сталі распытваць падрабязней.
Аказваецца, беларускія казакі звязаныя з 45-м асобным выведвальным палком — спецназам ВДВ. Гэта эліта з элітаў, самыя баяздольныя часткі ў расійскай арміі. Яны ўдзельнічалі ва ўсіх значных войнах Расійскай Федэрацыі. Не застаўся гэты полк у баку і ад украіна-расейскай вайны.
Ага, гэта значыць калі беларускія казакі ўжо адкрыта не саромеюцца казаць пачаткоўцам (а Раман пачатковец), што яны плануюць рабіць у далейшым. Зайшоўшы на сайт kazak.by, мы бачым падрыхтоўку «атрадаў самаабароны» ва ўсёй красе.
Самае жудаснае, што яны выкарыстоўваюць у сваіх мэтах звычайных беларускіх дзяцей. Бацькі аддаюць іх на выхаванне, думаючы што гэта спартыўна-аздараўленчы гурток, а там дзяцей ператвараюць у праваслаўных баявікоў.
Прычым усё адбываецца пры поўнай падтрымцы ўладаў.
Хлопцы, звязаныя з казакамі, прасякнуты духам вайны. Яны думаюць пра зброю, пастаянна ездзяць і адпрацоўваюць тактыку вядзення баёў.
Такім чынам, спадарства, мы нарэшце можам заявіць: у нас з'явілася сапраўдная пятая калона, а не «фальшыўка, зробленая ў Польшчы», рэзюмуе 1863x.com.
Цяпер чытаюць
Вылецела ў невядомым кірунку спікерка КР Анжаліка Мельнікава30
Каментары