З 31 кастрычніка па 2 лістапада ў Мінску пройдзе XXXV з'езд Саюза камуністычных партый — Камуністычнай партыі Савецкага Саюза (СКП-КПСС).
У з'ездзе прымуць удзел першы сакратар ЦК КПБ Ігар Карпенка [намеснік старшыні Мінгарвыканкама], старшыня ЦК КПРФ Генадзь Зюганаў, першы сакратар ЦК Камуністычнай партыі Украіны Пётр Сіманенка і старшыня Партыі камуністаў Рэспублікі Малдова Уладзімір Варонін.
Як паведаміла прэс-служба Мінгарвыканкама, урачыстае адкрыццё з'езда пройдзе 1 лістапада, у рамках мерапрыемства дэлегаты ўскладуць кветкі да стэлы «Мінск — горад-герой».
Заяўляецца, што СКП—КПСС з'яўляецца добраахвотнай непалітычнай міжнароднай грамадскай федэрацыяй камуністычных партый на постсавецкай прасторы. З 2001 года лідарам СКП-КПСС з'яўляецца Генадзь Зюганаў. У склад СКП-КПСС уваходзяць 18 камуністычных партый дзяржаў былога СССР, у тым ліку непрызнаных Абхазіі, Паўднёвай Асеціі, Прыднястроўскай рэспублікі, а таксама Латвіі, Літвы і Эстоніі.
Вышэйшым органам партыі з'яўляецца з'езд, які склікаецца адзін раз у 4 гады. Папярэдні з'езд прайшоў у Маскве.
Цяпер чытаюць
На поўначы Беларусі існавала велізарнае возера — у 150 разоў большае за Нарач. Яно знікла ў выніку прыроднай катастрофы, але сляды заўважныя і сёння66
Каментары