Пра гэта адзіны ў сёлетнім сезоне прадстаўнік Беларусі ў Нацыянальнай хакейнай лізе (НХЛ) Міхаіл Грабоўскі заявіў у інтэрв'ю тэлеканалу СТБ, адказваючы на пытанне, якое ў дзяцей грамадзянства — беларускае ці канадскае.
Сам Міхаіл зараз выступае за «Нью-Ёрк Айлендэрс», але доўгі час гуляў у Канадзе: за «Гамільтан» (чэмпіянат АХЛ, 2006—2008), «Манрэаль» (2006—2008) і найболей за «Таронта» (2008-2013). Мінулы сезон ён правёў у «Вашынгтоне».
«У дзяцей падвойнае грамадзянства. Гэта значыць я ім пашпарт зрабіў беларускі.
Вельмі хачу, каб яны кожнае лета прыязджалі, вучылі мову беларускую. Бо я ж адтуль і пачуваюся беларусам. Асабліва пасля чэмпіянату свету гэта дакладна. Гэта важна».
Сёлета за «Айлендэрс» Грабоўскі правёў 12 матчаў, закінуў тры шайбы і зрабіў чатыры галявыя перадачы, а сам нью-ёркскі клуб займае 4-е месца ва Усходняй канферэнцыі.
Каментары